Patalastas?

Oi. Kumusta?

Itago mo na lang ako sa pangalang Barney. Oo, siya yung kulay ubeng dinosaur na lumalakad lakad, nagsasalita, kumakanta, at sumasayaw sa TV para sa mga bata, minsan, para sa matatanda din.

Siguro itatanong mo (o hindi pero ilalagay ko pa din para masabi ko kung bakit) kung bakit Barney at hindi Spongebob? Dahil una, ayoko kay spongebob at masyado syang sipsip. Pangalawa, ang pangalang Barney ay magandang idugtong sa slogan ko kasi, rhyme. B-) At pangatlo, dahil si Barney ay gusto ng mga bata, gaya ng mga patalastas-es sa TV na mas nakukuha ang atensyon nila kesa sa Sine Eskwela. (meron pa ba nun?)

update:

Sa kadalihanang ako mismo e nalilito kung patalastas o barney ang ilalagay ko pag nagcocomment ako, napagdesisyunan kong “alas” na lang ang gagamitin ko. Tunog patalastas at astigin at the same time.  Tsaka tutal di naman pala lumilitaw sa theme na to ung slogan ko e. At natupad na din ang pangarap ko na magamit ang Strikethrough. Woohoo!

E bakit naman patalastas? (kunwari nagtanong ka ulit)

Kasi ang mga nakalagay at ilalagay ko dito, hindi pang “Top TV Shows”. Di gaya ng nasa mga sikat na blogs nina jon cabron, xg, mr. D at kung sino sino pa. At gaya ng mga commercials sa TV na madalas ipakita, minsan minsanan lang talaga, ganun din ako maglagay ng entry. Pagdating naman sa nilalaman ng mga commercials, pareho din ng mababasa mo sa blog na to. May maganda, pangit, may nakakainis, nakakatawa, may merong kwenta, may wala at merong hindi mo maisip kung anong dating sayo at hinahayaan mo na lang tingnan ng mga mata mo at pakinggan ng tenga mo dahil wala ka naman magagawa kundi tanggapin na kasama un sa pang araw araw na buhay.

So… yun. Txtbck asap.

J.A.P.A.N